ខេត្តកណ្ដាល ÷ដីមាត់ព្រែកប្រមាណជា៥០០ម៉ែត្រត្រូវបានបុគ្គលអ្នកមានលុយនិងមានអំណាចកំពុងចាក់គ្រឹះសាងសង់របងរំលោភយកមកធ្វើជាកម្មសិទ្ធិផ្ទាល់ខ្លួនយ៉ាងអាណាធិបតេយ្យ ។
ធនធានធម្មជាតិដែលជាសម្បត្តិរបស់រដ្ឋត្រូវបានបុគ្គលអ្នកមានលុយមានអំណាចនឹងមានងាជាឧកញ៉ារំលោភបំពានហួងហែងយកមកធ្វើជាកម្មសិទ្ធិបុគ្គលឯកជនយ៉ាងអាណាធិបតេយ្យ ដោយពុំមានការអៀនខ្មាស់ ចរិតអន់ជាងប្រជាពលរដ្ឋស្លូតត្រង់ល្ងិតល្ងង់និងទីទ័លក្រទៅទៀត ប្រហែលជាគិតថា ខ្លួនមានលុយមានអំណាចអាចនឹងធ្វើអ្វីៗតាមតែអំពើរចិត្តបានមែនឬ ? ។
បើយោងតាមការរៀបរាប់ពីមជ្ឈដ្ឋានប្រជាពលរដ្ឋដែលរស់នៅក្នុងភូមិក្រោលគោ ឃុំសំបួរមាស ស្រុកមុខកំពូល ខេត្តកណ្ដាល បានរៀបរាប់នឹងអះអាងប្រាប់អ្នកសារព័ត៌មានយើងឲ្យដឹងថា ចំពោះសំណង់ដែលចាក់គ្រឹះបំរ៉ុងនឹងធ្វើរបងដ៏រឹងមាំនៅមាត់ព្រែកនោះគឺ ជាដីរបស់លោកឧកញ៉ាម្នាក់ដែលពុំបានស្គាល់ឈ្មោះកំពុងសាងសង់ជារៀងរាល់ថ្ងៃ។
នៅវេលាម៉ោង១០និង២០នាទីថ្ងៃសៅរ៍ទី១ខែមិថុនាឆ្នាំ២០២៤នេះក្រុមអ្នកសារព័ត៌មានយើងបានធ្វើការទំនាក់ទំនងទៅលោកមេឃុំសំបួរមាសតាមទូរសព្ទលោកក៏បានឆ្លើយថា÷ ( ចំពោះសំណង់ខាងលើនេះលោកពុំបានដឹងនោះទេ ហើយលោកក៏មិនបានអនុញ្ញាតឲ្យមានការសាងសង់យ៉ាងដូច្នេះដែរ ) ហើយលោកក៏បានបញ្ជាក់ទៀតថា លោកនឹងចុះទៅពិនិត្យមើលឲ្យបានឃើញជាក់ស្ដែង។
នេះមានន័យថា ÷ ការចាក់គ្រឹះបំរ៉ុងនិងសាងសង់របងដ៏រឹងមាំរបស់លោកឧកញ៉ា(មិនស្គាល់ឈ្មោះ)
គឺ ពុំមានច្បាប់ឬការអនុញ្ញាតអំពីអាជ្ញាធរឬមន្ត្រីជំនាញណាឡើយ។
មជ្ឈដ្ឋានប្រជាពលរដ្ឋដែលរស់នៅក្នុងភូមិក្រោលគោរ ឃុំសំបួរមាសកំពុងតែបើកត្រចៀកនិងភ្នែកធំៗ រងចាំមើលថាតើ អាជ្ញាធរមានសមត្ថកិច្ចនិងមន្ត្រីជំនាញដែលពាក់ព័ន្ធ មានវិធានការយ៉ាងដូចម៉្ដេចដែរចំពោះលោកឧកញ៉ារូបនោះ? ៕
( គេហទំព័រ ពន្លឺសន្តិភាព )
០៩៦ ៧៩ ៧៦ ០០៥/០៨៨ ៤៧ ៧៧ ៨៥៤
