ទាន់ហេតុការណ៍
ឯកឧត្តម ឧត្តមសេនីយ៍ឯក ស ថេត ស្នងការនគរបាលរាជធានីភ្នំពេញ បានបញ្ជាក់យ៉ាងច្បាស់ថា មិនត្រូវទុកមន្ត្រីណាម្នាក់ឲ្យនៅឯកានៅពេល........ =>> កិច្ចប្រជុំដើម្បីធ្វើការរៀបចំបង្កើតសហគមន៍កសិករប្រើប្រាស់ទឹកប្រព័ន្ធធារាសាស្ត្រស្ទឹងក្រាំងពន្លៃ ស្ថិតក្នុងស្រុកថ្ពង ខេត្តកំពង់ស្ពឺ ......... =>> ក្រសួងមហាផ្ទៃ ជូនដំណឹងដល់អភិបាល នៃគណៈអភិបាល រាជធានី-ខេត្ត ស្តីពីការជំរុញទប់ស្កាត់ការកាប់រានទន្ទ្រានយកដីដោយខុសច្បាប់ នៅក្នុងតំបន់ការពារធម្មជាតិ.......... =>> ឯកឧត្តម ម៉ៅ ធនិន្ទ ចុះពិនិត្យការអនុវត្តគម្រោងស្តារឡើងវិញកំណាត់ផ្លូវជាតិលេខ៥ក្នុងភូមិសាស្ត្រក្រុងពោធិ៍សាត់... =>> ប្រជាពលរដ្ឋរស់នៅក្នុងតំបន់អូបឹងរូងចោទលោក ហេង ទ្រី​ ជាមន្ត្រីស្ថានីយ៍ដាំកូនឈើ និងមន្ត្រីប៉ូលិសម្នាក់ទៀតឈ្មោះ ឈឹម វណ្ណារិទ្ធថា បានកាប់បំផ្លាញទ្រព្យសម្បតិ្តនិងដំណាំចន្ទី ដោយរារាំងមិនអោយ............ =>> ឯកឧត្តមឧត្តមសេនីយ៍ឯក រ័ត្ន ស្រ៊ាង មេបញ្ជាការអាវុធហត្ថរាជធានីភ្នំពេញ ចុះសួរសុខទុក្ខ លោកមេបញ្ជាការរង ដែលមានជម្ងឺកំពុងសម្រាកព្យាបាលនៅមន្ទីរពេទ្យ =>> ល្បែងសុីសងភ្នាល់ចាក់ទឹកភ្លៀងនិងអាប៉ោងដ៏មហិមាកំពុងតែបើកដំណើរការយ៉ាងគគ្រឹកគគ្រេង...! =>> នៅរសៀលថ្ងៃអង្គារ​ ១៤កេីត​ ខែពិសាខ​ ឆ្នាំជូត​ ទោស័កព.ស.២៥៦៣​ ត្រូវនឹងថ្ងៃទី៥​ ខែឧសភា​ ឆ្នាំ២០២០​ ឯកឧត្តម លឹម គានហោ រដ្ឋមន្រ្តីក្រសួងធនធានទឹក និងឧតុនិយម បានដឹកនាំគណៈប្រតិភូក្រសួង អញ្ជើញចូលរួមគោរពវិញ្ញាណក្ខន្ធអ្នកឧកញ៉ា ព្រឹទ្ធមហាឧបាសិកា ធម្មញ្ញាណវិវឌ្ឍនា ប៊ុន ស៊ាងលី​ មាតាបង្កេីតសម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុន​សែន​ ប្រធានកាកបាទក្រហមកម្ពុជា ៕ =>> ទីតាំងល្បែងសុីសងជល់មាន់បៀអាប៉ោងនិងយូគីចាប់ផ្ដើមកម្រើកឡើងវិញយ៉ាងគគ្រឹកគគ្រេងលើសដើមនៅក្រុងបានលុងសមត្ថកិច្ចធ្វើមិនដឹងមិនឮ !... =>> ក្រុមហ៊ុនអគ្គិសនីខេត្តបាត់ដំបងធ្វើត្រីងៀតឈ្លាតពងខណៈដែលប្រទេសជាតិកំពុងទទួលរងការរាតត្បាតពីមេរោគ(COViD.19)....
0

អ្នកចាប់ចោរ និងអ្នកលែងចោរ នៅខេត្តកំពង់ស្ពឺ ឆ្លើយដាក់គ្នា, ស្នងការខេត្តថា ព្រះរាជអាជ្ញាជាអ្នកមានសិទ្ធិលែង, ព្រះរាជអាជ្ញាថា ស្នងការជាអ្នកសុំឲ្យលែង

អ្នកចាប់ចោរ និងអ្នកលែងចោរ នៅខេត្តកំពង់ស្ពឺ ឆ្លើយដាក់គ្នា, ស្នងការខេត្តថា ព្រះរាជអាជ្ញាជាអ្នកមានសិទ្ធិលែង, ព្រះរាជអាជ្ញាថា ស្នងការជាអ្នកសុំឲ្យលែង

(ភ្នំពេញ)៖ ក្រោយពីមានការបែកធ្លាយព័ត៌មានថា លោកស្រី ចាត សូរស្មី ព្រះរាជអាជ្ញា នៃអយ្យការអមសាលាដំបូងខេត្តកំពង់ស្ពឺ ដោះលែងជនសង្ស័យជាមុខសញ្ញាចោរប្លន់២នាក់ កាលពីថ្ងៃម្សិលមិញនោះ នៅយប់ថ្ងៃទី៥ ខែមករា ឆ្នាំ២០១៩នេះ អ្នកនាំពាក្យសាលាដំបូង និងស្ថាប័ន អយ្យការខេត្តកំពង់ស្ពឺ បានចេញសេចក្តីថ្លែងការណ៍ថា រឿងលែងចោរប្លន់ គឺព្រះរាជអាជ្ញាធ្វើតាមការស្នើសុំរបស់លោកស្នងការ។

នៅក្នុងសេចក្តីថ្លែងការណ៍ លេខ ២៧ ស.ថ.ក/០១៩ ចុះថ្ងៃទី៥ ខែមករា ឆ្នាំ២០១៩ របស់សាលាដំបូងខេត្តកំពង់ស្ពឺ បានបញ្ជាក់ថា លោកឧត្តមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ បានផ្ញើរបាយការណ៍លេខ០៣ ចុះថ្ងៃទី០៣ ខែមករា ឆ្នាំ២០១៩ ដោយស្នើសុំឲ្យព្រះរាជអាជ្ញា ដោះលែងជនសង្ស័យជាចោរប្លន់ទាំង២នាក់នោះវិញ ព្រោះគ្មានភស្តុតាងដាក់បន្ទុក។

ដោយសារតែលោកឧត្តមសេនីយ៍ទោ សម សាមួន ស្នងការនគរបាលខេត្តស្នើសុំឲ្យលែងជនសង្ស័យជាចោរប្លន់ ទើបលោកស្រីព្រះរាជអាជ្ញា សម្រេចឲ្យដោះលែង ដោយចារលើរបាយការណ៍របស់លោកឧត្តមសេនីយ៍ទោស្នងការខេត្ត ដោយតម្រូវឲ្យនគរបាល៖
-ធ្វើការស៊ើបអង្កេតស្រាវជ្រាវបន្តតាមនីតិវិធី
-ត្រូវមានអ្នកធានាច្បាស់លាស់
-ឲ្យធ្វើកិច្ចសន្យាមិនប្រព្រឹត្តខុសច្បាប់។

ពាក់ព័ន្ធករណីលោស្រីព្រះរាជអាជ្ញាលែងចោរប្លន់២នាក់នោះ លោកឧត្តមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ បានប្រាប់ Swift News កាលពីព្រឹកមិញថា «សួរទៅលោកស្រីព្រះរាជអាជ្ញា នគរបាលមិនមានសិទ្ធិអោយជនសង្ស័យនៅក្រៅឃុំទេ»។

ការឆ្លើយតបរបស់លោកឧត្តមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ ហាក់ចង់បង្ហាញថា ការសម្រេចលែងជនសង្ស័យជាចោរប្លន់ មិនមានពាក់ព័ន្ធនឹងលោកទេ គឺលោកស្រីព្រះរាជអាជ្ញា ចាត សូរស្មី ជាអ្នកសម្រេច។

សូមជម្រាបជូនថា ក្រុមចោរប្លន់ទាំង២នាក់ ដែលនគរបាលចាប់ខ្លួន ហើយត្រូវលោកស្រីព្រះរាជអាជ្ញាដោះលែងឲ្យមានសេរីពេញបរិបូណ៍ គឺជនសង្សួយជាចោរឈ្មោះ អាយ អ៊ីង ហៅ អឿន ម៉ៅ ភេទប្រុស អាយុ៣៩ឆ្នាំ រស់នៅភូមិព្រែកតាម៉ែ ឃុំកំពង់អុស ស្រុកពញឮ ខេត្តកណ្ដាល និងឈ្មោះ នោ ពន ភេទប្រុសអាយុ៤៨ឆ្នាំ រស់នៅភូមិព្រៃអន្សែ ឃុំជំពូព្រឹក ស្រុកឧដុង្គ ខេត្តកំពង់ស្ពឺ។

ពាក់ព័ន្ធ ការសម្រេចដោះលែងក្រុមចោរប្លន់ ទាំង២នាក់ខាងលើ ត្រូវក្រុមមន្ត្រីមូលដ្ឋាន ក្នុងស្រុកឧដុង្គ ក្នុងឃុំជំពូព្រឹក និងអ្នកភូមិព្រៃអន្សែ លើកឡើងថា ប្រពន្ធរបស់ជនសង្ស័យឈ្មោះ នោ ពន បានដើរនិយាយអួតក្អេងក្អេងប្រាប់អ្នកស្រុក និងនិយាយបញឺមន្ត្រីនគរបាលមូលដ្ឋានថា មិនដឹងជាខំមកចាប់ប្តីនាងធ្វើអីបើគង់តែបញ្ជូនទៅដល់លើ គេដោះលែងមកវិញដដែល។ សម័យនេះហើយ អស់តែម្នាក់៦០០០ដុល្លារ ចេញវិញប្រុយ អត់បញ្ហា។

សូមបញ្ជាុក់ជូនថា ក្រុមចោរប្លន់ទាំង២នាក់ខាងលើ ត្រូវកម្លាំងនគរបាលស្រុកឧដុង្គចាប់ខ្លួនកាលពីព្រឹកថ្ងៃទី២ ខែមករា ឆ្នាំ២០១៩ ពាក់ព័ន្ធបទល្មើសលួចមានស្ថានទម្ងន់ទោស ដោយជនសង្ស័យឈ្មោះ អាយ អ៊ីង ហៅ អឿន ម៉ៅ ត្រូវចាប់ខ្លួន ខណៈកំពុងបើករថយន្តម៉ាកសាំយ៉ុង ពណ៌ស ពាក់ស្លាកលេខ ភ្នំពេញ 2W-7761 សេរីឆ្នាំ២០០២ ចេញពីផ្ទះរបស់ជនសង្ស័យ ឈ្មោះ នោ ពន នៅចំណុចភូមិព្រៃអន្សែ ឃុំជំពូព្រឹក ស្រុកឧដុង្គ ខេត្តកំពង់ស្ពឺ។

នៅចំពោះមុខសមត្ថកិច្ច ក្រុមជនសង្ស័យបាន សារភាពថា ពួកគេធ្លាប់ធ្វើសកម្មភាពកាច់កម៉ូតូ នៅខេត្តព្រះសីហនុ ចំនួន៣លើក យកមកលក់ឲ្យឈ្មោះ នោ ពន ហើយនៅក្នុងប្រតិបត្តិការបង្ក្រាបបទល្មើសចោរប្លន់ឆ្លងខេត្តនេះ សមត្ថកិច្ច ដកហូតវត្ថុតា ពីឈ្មោះ អាយ អ៊ីង ហៅ អឿន ម៉ៅ រួមមានរថយន្តចំនួន១គ្រឿ ប្រដាប់កឹបស្លាកលេខចំនួន១ កូនសោរឡានចំនួន៧ និងម៉ូតូ ម៉ាកសេ១២៥ ពណ៌ក្រហម ពាក់ស្លាកលេខ កំពត 1K-1421 និងទូរស័ព្ទដៃចំនួន១គ្រឿង។

លុះឃាត់ខ្លួន ក្រុុមជនសង្ស័យទាំង២នាក់បានហើយ ប្រពន្ធរបស់ជនសង្ស័យឈ្មោះ នោ ពន មានឈ្មោះ រដ្ឋា ចន្ទ្រា ភេទស្រី អាយុ២៩ឆ្នាំ បានយកប្រគល់វត្ថុតាងមួយចំនួនទៀតឲ្យសមត្ថកិច្ច។

គួររំលឹកថា កាលពីអំឡុងខែតុលា ឆ្នាំ២០១៨ ក្រុមចោរប្លន់៤នាក់ ក៏ត្រូវដោះលែងវិញផងដែរ បន្ទាប់ពីមន្ត្រីនគរបាលស្រុកឧដុង្គ បានបញ្ជូនខ្លួនពួកគេដល់ស្នងការនគរបាល និងបញ្ជូនបន្តឲ្យស្ថាប័នអយ្យការខេត្តកំពង់ស្ពឺ ដែលមានលោកស្រី ចាត សូររស្មី ជាព្រះរាជអាជ្ញា៕
គេហទំពរ័​ (​ ពន្លឺសន្តិភាព​ ) 088 4777854

Filed in: ព័ត៌មានថ្មីៗ, រាយការណ៍ពិសេស

Recent Posts

Bookmark and Promote!

Leave a Reply

Submit Comment
ពន្លឺសន្តិភាព ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 088 47 77 854 ឬ តាម Whatsapp : 088 47 77 854 | Telegram : 088 47 77 854 ! សូមអរគុណ !

©២០១៨ រក្សាសិទ្ធ​ដោយ​សារព័ត៌មាន ពន្លឺសន្តិភាព | ទូរស័ព្ទ៖ 088 47 77 854 | អ៊ីម៉ែល៖ mailtobot168@gmail.com

សហការផ្តល់ព័ត៌មាន៖ 088 47 77 854 | អ៊ីម៉ែល ៖ mailtobot168@gmail.com