កិច្ចប្រជុំដើម្បីធ្វើការរៀបចំបង្កើតសហគមន៍កសិករប្រើប្រាស់ទឹកប្រព័ន្ធធារាសាស្ត្រស្ទឹងក្រាំងពន្លៃ ស្ថិតក្នុងស្រុកថ្ពង ខេត្តកំពង់ស្ពឺ ………

នៅថ្ងៃសុក្រ ៥រោច ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១០ ខែកក្កដា ឆ្នាំ២០២០ នៅអាគារសហគមន៍កសិករប្រើប្រាស់ទឹកអន្លុងជ្រៃខាងត្បូង ស្ថិតក្នុងឃុំប្រាំបីមុម ស្រុកថ្ពង ខេត្តកំពង់ស្ពឺ លោក ប៊ុល ដែលលី និងលោក តាំង សុផាត អគ្គនាយករងកិច្ចការបច្ចេកទេស តំណាងឲ្យឯកឧត្ដម ឈា ប៊ុនរិទ្ធ អគ្គនាយកកិច្ចការបច្ចេកទេស នៃក្រសួងធនធានទឹក និងឧតុនិយម ដឹកនាំកិច្ចប្រជុំដើម្បីធ្វើការរៀបចំបង្កើតសហគមន៍កសិករប្រើប្រាស់ទឹកប្រព័ន្ធធារាសាស្ត្រស្ទឹងក្រាំងពន្លៃ ស្ថិតក្នុងស្រុកថ្ពង ខេត្តកំពង់ស្ពឺ និងស្រុកសាមគ្គីមានជ័យ ខេត្តកំពង់ឆ្នាំងដោយមានការចូលរួមពីលោក ហ៊ុយ វ៉ាន់ថា ប្រធាននាយកដ្ឋានសហគមន៍កសិករប្រើប្រាស់ទឹក លោក ញ៉ាញ់ ជាបហ៊ង ប្រធានមន្ទីរធនធានទឹក និងឧតុនិយមខេត្តកំពង់ស្ពឺ លោកអភិបាលស្រុកថ្ពង លោកអភិបាលស្រុកសាមគ្គីមានជ័យ មន្ត្រីបច្ចេកទេសក្រសួង លោកមេឃុំ ជំទប់ ក្រុមប្រឹក្សាឃុំ ប៉ុស្តិ៍រដ្ឋបាល និងបងប្អូនប្រជាកសិករក្នុងឃុំពាក់ព័ន្ធនឹងតំបន់អាងទឹកក្រាំងពន្លៃ ៕