ខេត្ដកំពង់ចាម ៖មានទីតាំងល្បែងសុីសងបាញ់អាប៉ោងកំពុងតែបើកលេងយ៉ាងអានាធិបតេយ្យ មួយកន្លែងដែលស្ថិតនៅក្នុងភូមិចុង ឃុំសំបូរ ស្រុកបាធាយ ខេត្តកំពង់ចាម បានបេីកលេងជារៀងរាល់ថ្ងៃយ៉ាងអនាធិបតេយ្យអាជ្ញាធរឫសមត្ថកិច្ចធ្វើមិនដឹងមិនឮ ។
បើយោងតាមប្រភពច្បាស់ការពីប្រជាពលរដ្ឋបានឱ្យអ្នកសារព័ត៌មានយើងដឹងថា ៖ ជារៀងរាល់ថ្ងៃមានអ្នកញៀននិងល្បែងអាប៉ោងនេះមកលេងយ៉ាងច្រើនកុះកបំពាក់បំពូនយ៉ាងអានាធិបតេយ្យ និងមានឈ្នះមានចាញ់អស់រាប់រយ រាប់ពាន់ដុុល្លាក៏មានដែរ ។
ហើយអ្វីដែលសំខាន់ទៀតនោះ ! កន្លងមកគេសង្កេតឃើញថា មានបទល្មើសចោរកម្មកើតមានជាបន្តបន្ទាប់នៅក្នុងមូលដ្ឋានស្រុកបាធាយ ដូចជាចោរឆក់ ចោរលួច ចោរប្លន់ គាស់ផ្ទះយកទ្រព្យសម្បត្តិរបស់បងប្អូនប្រជាពលរដ្ឋជាដើម ដោយសា កើតចេញពីល្បែងស៊ីសងខាងលើនេះឯង។
ពាក់ព័ន្ធនឹងករណីនេះដែរប្រជាពលរដ្ឋបានសុំសំណូមពរដល់អាជ្ញាធរឫសមត្ថកិច្ចដែលពាក់ព័ន្ធទាំងអស់ជាពិសេស លោកឯម កុសល និង លោកវរសេនីយ៍ឯក សំ ណាល់ អធិការនគរបាលស្រុកបាធាយ មេត្តាចុះពិនិត្យ និងបង្ក្រាបទីតាំងល្បែងសីុសងអាប៉ោងខាងលើនេះផង ដើម្បីឱ្យស្របទៅតាមគោលនយោបាយភូមិ សង្កាត់ មានសុវត្ថិភាពទាំង៩ ចំណុចរបស់រាជរដ្ឋាភិបាលដែលបានដាក់ចេញ នឹងការរស់នៅរបស់ពួកគាត់ប្រកបដោយសុខ សុវត្ថិភាពផង៕
