កំពង់ស្ពឺ៖កាលពីរសៀលថ្ងៃអង្គារ ៥ កើត ខែកត្តិក ឆ្នាំឆ្លូវត្រីស័កពុទ្ធសករាជ ២៥៦៥ ត្រូវនឹងថ្ងៃទី៩ ខែវិច្ឆិកា ឆ្នាំ២០២១លោក ញ៉ាញ់ ជាបហ៊ង ប្រធានមន្ទីរធនធានទឹក និងឧតុនិយមខេត្តកំពង់ស្ពឺ រួមជាមួយថ្នាក់ដឹកនាំស្រុក ឃុំ ភូមិ បានចុះសម្របសម្រួល និងជួបប្រជុំរកដំណោះស្រាយជាមួយបងប្អូនប្រជាពលរដ្ឋដែលបានអាស្រ័យផលក្នុងផ្ទៃអាងទឹកទំនប់ព្រៃឥដ្ឋ ឃុំពោធិអង្គ្រង ស្រុកបសេដ្ឋ ខេត្តកំពង់ស្ពឺ ។
ជាលទ្ធផលនៃកិច្ចពិភាក្សា
១ .ឆ្នាំកន្លងមក ក៏ដូចជាឆ្នាំនេះផងដែរ នៅរដូវប្រមូលផលស្រូវម្ដងៗ មន្ទីរតែងតែបានអនុញ្ញាតិឲ្យបើកទ្វារទឹកដេីម្បីបង្កភាពងាយស្រួលសម្រាប់ការប្រម៉ូលផល និងបិទទ្វារទឹកវិញក្រោយថ្ងៃប្រម៉ូលផលរួចរាល់ ។
សម្រាប់ឆ្នាំក្រោយៗមន្ទីរមិនអនុញ្ញាតិឲ្យបន្តការអាស្រ័យផលនៅក្នុងផ្ទៃអាងទឹកទៀតឡេីយដោយសំណូមពរដល់បងប្អូនប្រជាពលរដ្ឋត្រូវ ប្ដូរប្រតិទិនដាំដុះ មកធ្វើស្រូវដើមរដូវវិញ ។
២.មន្ទីរ និងសហការជាមួយអាជ្ញារធរមូលដ្ឋាន និងបងប្អូនប្រជាពលរដ្ឋ ដើម្បីកំណត់ព្រំដីអាងទឹកឲ្យបានត្រឹមត្រូវនិងច្បាស់លាស់ជៀសវាងការភាន់ច្រឡំនៅថ្ងៃក្រោយ ។
៣.មន្ទីរ និងស្វែងរកពូជស្រូវមិនប្រកាន់រដូវ ជូនដល់បងប្អូនប្រជាពលរដ្ឋវិញ ដើម្បីភាពងាយស្រួលក្នុងការងារបង្កបង្កើនផល ជៀសវាង ដោយមិនចាំបាច់បើកទឹកក្នុងទំនប់ចេញ ព្រោះទុកសម្រាប់ផ្គត់ផ្គង់ប្រេីប្រាសនារដូវប្រាំងរាំងស្ងួត ។
