សាហាវណាស់! ផឹកស៊ីទាស់សម្ដីគ្នាកាប់ទាំងឪពុកនឹងកូនស្លាប់៣នាក់

ខេត្តកំពងចាម៖ សាហាវបំផុត​ បុរសមា្នក់ផឹកសុីស្រវឹង ទាស់សម្ដីគ្នាបន្តិចបន្តួច យកកាំបិតខ្វែវកាប់បុរស៣នាក់ ស្លាប់ក្នុងថ្លុកឈាម គួរឲ្យរន្ធត់។
ហេតុការណ៍ភ្ញាក់ផ្អើលបានកើតឡើងកាលពីវេលាម៉ោង០៥និង៣០នាទីល្ងាចថ្ងៃទី១៤ខែតុលាឆ្នាំ២០១៨ នៅភូមិថ្មកែវ ឃុំត្រប់ ស្រុកបាធាយ ខេត្តកំពង់ចាម ។
សមត្ថកិច្ចបានឲ្យដឹងថា ជនរងគ្រោះទាំង៣នាក់រួម មាន ១-ឈ្មោះ នី ណុន ភេទប្រុស អាយុ៥៣ឆ្នាំ ២-ឈ្មោះ ណុន ឆវ័ន ភេទប្រុស អាយុ១៩ឆ្នាំ និង៣-ឈ្មោះ ណុន វី ភេទប្រុស អាយុ២២ឆ្នាំ ។ អ្នកទាំង៣ (ជាឪពុកនិងកូន) មានទីលំនៅភូមិថ្មកែវ ឃុំត្រប់ ស្រុកបាធាយ (ស្លាប់ទាំង ៣នាក់) ។ ចំណែកជនសង្ស័យ ឈ្មោះ ឯម ភៀន ភេទប្រុស អាយុ៤១ឆ្នាំ មានទីលំនៅភូមិ-ឃុំ ជាមួយគ្នា ។
ប្រភពព័ត៌មាននៅកន្លែងកើតហេតុបានឲ្យដឹងថា នៅ មុនពេលកើតហេតុឈ្មោះ ឯម ភៀង និងឈ្មោះ ណុន វី បានផឹកស៊ីជាមួយគ្នានៅនឹង ផ្ទះរបស់ឈ្មោះ ឯម ភៀង ហើយក៍ទំនាស់ពាក្យសំដីគ្នាហើយឈ្មោះ ឯម ភៀង ក៏យកកាបិតខ្វែវរបស់ខ្លួនមកកាប់ ឈ្មោះ ណុន វី បណ្តាល អោយរងរបួសបន្តិចពេលនោះ ឈ្មោះ ណុន វី ក៏និយាយថាមិនអីទេប៉ុណ្ណឹង ហើយក៏ចេញ ដើរទៅផ្ទះរបស់ខ្លួនមួយសន្ទុះក៏នាំឈ្មោះ នី ណុន និងឈ្មោះ ណុន ឆវ័ន ត្រូវជាឪពុក និងប្អូនរបស់ខ្លួនមករក រឿងឈ្មោះ ឯម ភៀង ដល់ ផ្ទះម្តងទៀតដោយមាន ពូថៅនិងដំបងជាប់នឹងដៃ ពេលនោះឈ្មោះ ឯម ភឿង ក៍យកកាំបិតខ្វែវកាប់ទៅលើអ្នកទាំងបីបណ្តាលអោយ ស្លាប់នៅនឹងកន្លែងកើតហេតុពីរនាក់ ឈ្មោះ នី ណុន និងឈ្មោះណុន ឆវ័ន ចំណែកឈ្មោះ ណុន វី ស្លាប់ពេលដឹកដល់មន្ទីពេទ្យបង្អែកស្រុកបាធាយ ។ ចំណែក ជនសង្ស័យត្រូវបានកម្លាំងសមត្ថកិច្ចឃាត់ខ្លួនយកមក សួរនាំ ។
បច្ចុប្បន្នជនសង្ស័យរួមនិងវត្ថុតាងត្រូវបានសមត្ថកិច្ចកសាងសំណុំរឿងដើម្បីបញ្ជួនទៅតុលាការចាត់ការបន្តតាមនីតិវិធីច្បាប់ ៕​ នគររាជ​ (​ កែវ​ ភត្រា​ )