រដ្ឋបាលខេត្តតាកែវរៀបចំបេីកកិច្ចប្រជុំ​ត្រួតពិនិត្យ​លទ្ធផល​ការផ្ដល់សេវារដ្ឋបាលសាធារណៈឆ្នាំ២០២២និង​លេីកទិស​ដៅការងារឆ្នាំរបស់អង្គភាពច្រកចេញចូលតែមួយសម្រាប់ខេត្ត..!

ខេត្តតាកែវ ÷នៅព្រឹកថ្ងៃសុក្រ​ទី០៣ខែមីនាឆ្នាំ២០២៣​នេះ ឯកឧត្តម អ៊ូច ភា អភិបាលនៃគណៈអភិបាលខេត្តតាកែវ​ បានអញ្ជើញជាអធិបតីក្នុងកិច្ចប្រជុំ​ត្រួតពិនិត្យ​លទ្ធផល​ការផ្ដល់សេវារដ្ឋបាលសាធារណៈឆ្នាំ២០២២និង​លេីកទិសដៅការងារឆ្នាំរបស់អង្គភាពច្រកចេញចូលតែមួយ កិច្ចប្រជុំនេះដែរបានរៀបចំធ្វេីឡេីងនៅសាលប្រជុំរដ្ឋបាលខេត្ត។

ក្នុងពិធីនេះក៏មានការអញ្ជើញចូលរួមពិភាក្សានិងសំណូមពរនានាដេីម្បីដំណោះស្រាយបញ្ហាប្រឈ​មកន្លងមក​ ដោយ លោក​អភិបាលរងខេត្ត​ លោក​ប្រធានអង្គភាពច្រកចេញចូលតែមួយ​ លោកប្រធានការិយាល័យប្រជាពលរដ្ឋ​ លោកទីចាត់ការរដ្ឋបាល លោក​ នាយកទីចាត់ការអន្តរវិស័យ​ លោក​ នាយកទីចាត់ការហិញ្ញវត្ថុ​ លោក​ នាយកទីចាត់ការធនធានមនុស្ស​ លោក​ លោកស្រី អភិបាល​ អភិបាលរងក្រុង​ ស្រុក​ លោក លោកស្រីប្រធាន​ អនុប្រធានមន្ទីរព្រមទាំងមន្រ្តីរាជការពាក់ព័ន្ធជាច្រើនរូបផងដែរ ។

ឯកឧត្តមអភិបាលខេត្ត បានបញ្ជាក់ដែរថា មកដល់បច្ចុប្បន្ននេះ ប្រជាពលរដ្ឋបានមកទទួលសេវាសាធារណៈនៅតាមអង្គភាពច្រកចេញចូលតែមួយទូទាំងខេត្តមានការកេីនឡេីងជាលំដាប់​ដេីម្បីលើកកម្ពស់សេវាកាន់តែប្រសើរថែមទៀត រដ្ឋបាលខេត្តបានពង្រីកការផ្តល់សេវាស្របតាមគោលនយោបាយរបស់រាជរដ្ឋាភិបាលពាក់ព័ន្ធនឹងវិស័យនានាទាំងនៅថ្នាក់ខេត្ត និងក្រុង ស្រុក ឃុំ សង្កាត់ ជូនប្រជាពលរដ្ឋ។

ក្នុងឱកាសនោះ ឯកឧត្តម  អ៊ូច ភា អភិបាលខេត្តតាកែវ​ បានថ្លែងការកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងធ្វើការងារអស់ កម្លាំងកាយចិត្តរបស់រដ្ឋបាលខេត្ត អាជ្ញាធរ មន្ទីរអង្គភាពពាក់ព័ន្ធទាំងអស់ក្នុងការបំពេញការងាររបស់ខ្លួនប្រកបដោយ​ការទទួលខុសត្រូវខ្ពស់ ក្នុងការបម្រើនូវសេវាសាធារណៈជូនបងប្អូនប្រជាពលរដ្ឋនៅតាមមូលដ្ឋានបានយ៉ាងល្អប្រសើនាពេលកន្លងមក៕