ខេត្តតាកែវ ÷ល្បែងស៊ីសងខុសច្បាប់គ្រប់ប្រភេទត្រូវបានកម្រើកឡើងវិញក្រោយពេលដែលបានបិទមួយរយៈធំ។
សូមរំលឹកថា÷ ក្រោយពីមានបទបញ្ញត្តិយ៉ាងតឹងរឹងពីសំណាក់សម្ដេចតេជោ ហ៊ុន សែន ប្រមុខដឹកនាំរាជរដ្ឋាភិបាលនៃយើង បានដាក់បញ្ញត្តិនិងប្រកាសជាផ្លូវការទូទាំងប្រទេសមិនឱ្យបើកដំណើរការទាំងកន្លែងមានច្បាប់និងកន្លែងគ្មានច្បាប់គឺមិនអនុញ្ញាតឱ្យបើកដំណើរការនិងលេងល្បែងស៊ីសងជាដាច់ខាតនាពេលកន្លងមក។
ប៉ុន្តែនាពេលបច្ចុប្បន្ននេះស្រាប់តែល្បែងស៊ីសងខុសច្បាប់គ្រប់ប្រភេទបានចាប់ផ្ដើមកម្រើកនិងដំណើរការឡើងវិញស្ទើរតែគ្រប់ទីកន្លែងនៅតាមបណ្ដាក្រុង ស្រុក ខេត្តមួយចំនួន។
ដោយឡែកនៅផ្សារត្រាំខ្នារឃុំសូភីរ ស្រុកបាទីខេត្តតាកែវ ឯណេះវិញមិនមានល្បែងសុីសងជល់មាន់តាមប្រព័ន្ធអនឡាញនោះទេគឺដោយសារតែកម្លាំងសមត្ថកិច្ចធ្វើការចុះល្បាតជារៀងរាល់ថ្ងៃ។
ជាក់ស្ដែងកាលពីព្រឹកថ្ងៃទី ៧ខែមីនា ឆ្នាំ ២០២៣ នេះ
ប៉ុស្តិ៍នគរបាលរដ្ឋបាលសុភីចំនួន៥នាក់ដែលដឹកនាំដោយលោកវរៈសេនីយ៍ត្រី ស៊ុ្រន សុ្រង នាយប៉ុស្តិ៍នគរបាលរដ្ឋបាលសុភីស្រុកបាទី ខេត្តតាកែវ បានដឹកនាំកម្លាំងក្រោមឱវាទចុះល្បាតនិងត្រួតពិនិត្យជាប្រចាំនឹងមិនអនុញ្ញាតឲ្យមានការបើកលេងល្បែងស៊ីសងខុសច្បាប់បានឡើយ ដើម្បីឆ្លើយតបទៅនឹងគោលនយោបាយភូមិឃុំសង្កាត់មានសុវត្ថិភាពរបស់ក្រសួងមហាផ្ទៃ និងដើម្បីរក្សានៅសណ្ដាប់ធ្នាប់សន្តិសុខសុវត្ថិភាពជូនប្រជាពលរដ្ឋក្នុងមូលដ្ឋាន៕
