ខេត្តកំពង់ធំ÷ នៅព្រឹកថ្ងៃព្រហស្សតិ៍២កើតខែចែត្រឆ្នាំខាលចត្វាស័កព.ស ២៥៦៦ ត្រូវនឹងថ្ងៃទី២៣ខែមិនាឆ្នាំ២០២៣នៅសាលប្រជុំសាលាខេត្តកំពង់ធំ បានបើកវគ្គបណ្ដុះបណ្ដាលស្ដីពីវិជ្ជាជីវៈដល់អ្នកសារព័ត៌មានដែលស្ម័គ្រចិត្តពីបណ្ដាខេត្តនានាមកចូលរួមមានចំនួន៩៧នាក់ ។
គួបញ្ជាក់ថា ÷ វគ្គបណ្ណុះបណ្ដាលនេះបានផ្ដួចផ្ដើមឡើងពីលោកព្រឹទ្ធាចារ្យបណ្ឌិត្យ គឹម សារឿន ប្រធានសមាគមន៍សហព័ន្ធអ្នកសារព័ត៌មានប្រជាធិបតេយ្យ នឹងមានការអញ្ជើញចូលរួមពីលោកជំទាវលោកស្រីប្រធានមន្ទីរព័ត៌មានខេត្តកំពង់ធំនឹងលោក បណ្ឌិត្យសាស្ត្រាចារ្យជាច្រើនរូបទៀត ជាពិសេសក៏មានវត្តមានដ៏ខ្ពង់ខ្ពស់ពីឯកឧត្តម ងួន រតន: អភិបាលខេត្ត នឹង ឯកឧត្តម សុខ ហៃ អភិបាលរងខេត្តកំពង់ធំ។
ក្នុងនោះដែរ ឯកឧត្តម ងួន រតនៈ អភិបាលខេត្តក៏បានមានប្រសាស្តស្ងើចសរសើរនឹងគាំទ្រឲ្យមានវគ្គបណ្ណុះបណ្ដាលនេះនៅពេលក្រោយៗទៀត ឯកឧត្តមអភិបាលខេត្តក៏បានផ្ដល់កិត្តិយសចែកជូនវិញ្ញាបនប័ត្រដល់សិក្ខាកាម នឹងបានឧបត្ថម្ភអាហារសាមគ្គីមួយពេលល្ងាចផងដែរ៕
