គណ:កម្មាធិការសាខាកាកបាទក្រហមខេត្តតាកែវបានចុះសួរសុខទុក្ខនិងនាំយកអំណោយមនុស្សធម៌របស់កាកបាទក្រហមកម្ពុជាមកចែកជូនគ្រួសារប្រជាពលរដ្ឋដែលរងគ្រោះដោយខ្យល់កន្ត្រាក់មានចំនួន១២៩ គ្រួសារ..!

ខេត្តតាកែវ÷នៅរសៀលថ្ងៃព្រហស្បតិ៍ ថ្ងៃទី ២៧ ខែមេសាឆ្នាំ២០២៣នេះឯកឧត្តម អ៊ូច ភា អភិបាលខេត្តនឹង

ជាប្រធាន គណៈកម្មាធិការសាខាកាកបាទក្រហមកម្ពុជាខេត្តតាកែវ បានចុះជួបសួរសុខទុក្ខ និងនាំយកអំណោយមនុស្សធម៌របស់សាខាកាកបាទក្រហមម្ពុជា ខេត្តតាកែវ មកចែកជូនគ្រួសារប្រជាពលរដ្ឋដែលបានរងគ្រោះដោយខ្យល់កន្ត្រាក់ ចំនួន ១២៩ គ្រួសារ កាលពីយប់ថ្ងៃទី២៥ ខែមេសា ឆ្នាំ២០២៣កន្លងទៅ សរុបចំនួន ៣ឃុំ នៅក្នុងស្រុកត្រាំកក់ ។

ក្នុងឱកាសនោះឯកឧត្តមអភិបាលខេត្ត បានពាំនាំការផ្ដាំផ្ញើរសួរសុខទុក្ខពីសំណាក់សម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាលសម្ដេចតែងតែយកចិត្តទុកដាក់គិតគូរអំពីសុខទុក្ខរបស់ប្រជាពលរដ្ឋដែលងាយរងគ្រោះ នៅគ្រប់ទីកន្លែងមិនប្រកាន់និន្នាការនយោបាយ ពូជសាសន៍ ពណ៌សម្បុរអ្វីឡើយសមដូចពាក្យស្លោកបាននិយាយថា÷

(ទីណាមានការលំបាក ទីនោះមានកាកបាទក្រហមកម្ពុជាចុះជួយជានិច្ច)។

អំណោយដែលបានផ្ដល់ជូន រួមមាន÷

១- អំណោយ កាកបាទក្រហមកម្ពុជាខេត្តដែលបានផ្ដល់ជូនទាំង ១២៩គ្រួសាររួមមាន: ក្នុងមួយគ្រួសារៗទទួលបានអង្ករ២៥ គីឡូក្រាម តង់ធំ១ កន្ទេល១ មុង១ ភួយ១ សារុង១ ក្រមារ១ ។

២- ជាមួយគ្នានេះ ឯកឧត្តមកិត្តិនីតិកោសលបណ្ឌិត ប៊ិន ឈិន ឧបនាយករដ្ឋមន្ត្រីប្រចាំការ ទទួលបន្ទុកទីស្តីការគណៈរដ្ឋមន្ត្រី និងជាប្រធានក្រុមការងារចុះជួយគណបក្សខេត្តតាកែវ អំណោយផ្ដល់ជូនទាំង ១២៩គ្រួសាររួមមាន÷

– ខូចខាតទាំងស្រុង ចំនួន៤គ្រួសារ ក្នុង១គ្រួសារថវិកា២០០.០០០រៀល។

– ខូចខាតមធ្យម និងខូចខាតកម្រិតស្រាលសរុប១២៥គ្រួសារ ក្នុង១គ្រួសារថវិកា៥០.០០០រៀល។

សូមអរគុណ !!!