ខេត្តកំពង់ចាម ÷ មហាជនដែលបានធ្វើដំណើរតាមដងផ្លូវជាតិលេខ៦អា ក៏ដូចប្រជាពលរដ្ឋក្នុងមូលដ្ឋាន បានលាន់មាត់និងធ្វើការរិះគន់យ៉ាងខ្លាំង ទៅលើអាជ្ញាធរក្នុងស្រុកបាធាយ ថា មិនគួរបិទភ្នែកមើលមិនឃើញ នៃកាដឹកជញ្ជូនអាច់ដីពីសំណាក់រថយន្តបែនដែលធ្វើសកម្មភាពនាពេលបច្ចុប្បន្ននោះទេ។
ការអភិវឌ្ឍន៍លើគ្រប់វិស័យ ក្រោមដំបូលសន្តិភាពនាពេលបច្ចុប្បន្ន ក្នុងការដឹកនាំដ៏ឈ្លាសវៃរបស់សម្តេចតេជោ ហ៊ុន សែន ប្រមុខរាជរដ្ឋាភិបាលនៃយើងមានសុខសន្តិភាពនិងរីកចម្រើនលើគ្រប់វិស័យជាមួយនិងហេដ្ឋារចនាសម្ព័ននានានៅទូទាំងប្រទេស ។
ក្នុងនោះដែរ ក៏ជាឱកាសហុចឲ្យបុគ្គល ឬក្រុមហ៊ុនដែលប្រើប្រាសគ្រឿងចក្រឈ្លាតរកសុីជីកកកាយយកអាច់ដីលក់ដើម្បីធ្វើអាជីវកម្ម ក៏កំពុងតែត្រូវប៉ាន់សប្បាយប្រម៉ូលលុយ យកលេសក្រោមហេតុផលអភិវឌ្ឍន៍ ដោយមិនបានគិតអំពីទង្វើរបស់ខ្លួនដែលល្មើសនិងកិច្ចសន្យាជាមួយនិងអាជ្ញាធរមូលដ្ឋានឬមន្ត្រីជំនាញនាពេលកន្លងមក។
= មានដូចជា ÷
-ការដឹកជញ្ជូនមិនឲ្យពេញហួសទ្រុង ។
-ត្រូវមានតង់ចងគ្របមិនឲ្យធ្លាក់រាយប៉ាយលើផ្លូវសាធារណ:។
-បើកបរក្នុងល្បឿនយឺត មិនបង្កហានិភ័យដល់អ្នកដែលធ្វើដំណើររួមផ្លូវជាដើម។
ជាក់ស្ដែងនៅការរដ្ឋានមួយដែលធ្វើសកម្មភាពជីកស្ដារអាងក្នុងដីសហគមន៍ភូមិជាលា ឃុំជាលា ស្រុកបាធាយ ខេត្តកំពង់ចាមកំពុងតែសម្រុកដឹកជញ្ជូនយកអាច់ដីលក់ប្រើប្រាសគ្រឿងចក្ររាប់សិបគ្រឿង មីដេរដាសដូចស្រម៉ោចក្រោមលេសអភិវឌ្ឍន៍ បង្កផល់ប៉ះពាល់នូវលើដងផ្លូវសាធារណ: យ៉ាងធ្ងន់ធ្ងរ ការដឹកជញ្ជូនដាក់ហៀហូរមិនបានចងតង់គ្របជ្រុះធ្លាក់រាយប៉ាយពេញផ្លូវ បង្កការគ្រោះថ្នាក់ដល់អ្នកធ្វើដំណើរ ដូចជា ហុយងងិតមើលមិនឃើញ ឬ រអិលនៅពេលដែលមានភ្លៀងធ្លាក់ជាដើម។
ប្រជាពលរដ្ឋក្នុងលូដ្ឋានឃុំជាលា ស្រុកបាធាយ ខេត្តកំពង់ចាម និងមហាជនដែលបានធ្វើដំណើរតាមដងផ្លូវជាតិលេខ៦អា សូមសំណូមពរដល់លោក ផេន សុផល អភិបាលស្រុកបាយធាយ មេត្តាចុះពិនិត្យមើលសកម្មភាពជាក់ស្ដែងនេះផង
កុំឲ្យបុគ្គល ឬក្រុមហ៊ុនដែលប្រើប្រាសគ្រឿងចក្រដឹកជញ្ជូនដីធ្វើអ្វីៗតាមតែអំពើរចិត្តដូច្នេះ៕
( គេហទំព័រ ពន្លឺសន្តិភាព )
ទំនាក់ទំនងទូរសព្ទលេខ
០៩៦ ៧៩ ៧៦ ០០៥
០៨៨ ៤៧ ៧៧ ៨៥៤
