ទាន់ហេតុការណ៍
ទឹកប្រាក់ប្រមាណជិត១លានដុល្លារជាគោលការណ៍ត្រូវដក២០ភាគរយជូនមន្ត្រីមិនបានអនុវត្តត្រឹមត្រូវតាមគោលការណ៍នោះទេ... =>> សកម្មភាពដឹកជញ្ជូនឈើក្នុងខេត្តមណ្ឌលគិរីបានចាប់ផ្ដើម កក្រើកសារជាថ្មីម្ដងទៀតហើយ..! =>> ដីព្រៃសហគមន៏សំបុកសត្វសែនជ័យ ដែលជាជម្រកត្រីពង និងជាសម្បតិ្តរបស់រដ្ឋត្រូវបានរងនូវការឈូសឆាយទន្រ្ទានចែកគ្នាយ៉ាងអនាធិបតេយ្យពីសំណាក់……… =>> ផ្លូវបេតុងមួយខ្សែជាមូលនិធិសង្កាត់កណ្ដោលដុំ មិនបានបើកគម្រោងដាក់ដេញថ្លៃជាសាធារណ:នោះទេ ! =>> ឡត៍ដុតអុសយកធ្យូងក៏ជាចលនាមួយយ៉ាងសំខាន់ដែរ ក្នុងការចូលរួមកាប់បំផ្លាញសម្បត្តិធនធានធម្មជាតិ..! =>> ក្រុមឈ្មួញទុច្ចរិតនៅតែបន្តរុករានកាប់បំផ្លាញឈើក្នុងតំបន់ព្រៃអង្គតែននិងតំបន់ព្រៃឡង់ជារៀងរាល់ថ្ងៃ..! =>> មហាជននិងប្រជាពលរដ្ឋបានធ្វើការរិះគន់យ៉ាងខ្លាំងទៅលើអាជ្ញាធរក្នុងស្រុកបាធាយ ថាមិនបានយកភ្នែកមើល..! =>> តើប្រជាពលរដ្ឋទូទៅ អាចមានវាសនាបានសាងសង់នូវសំណង់លើដីរដ្ឋបានដូចជាលោក រ៉ា និងលោកស្រី ជ្រុន រ៉ុម ដែរឬទេ.? =>> អំណោយដ៏ថ្លៃថ្លារបស់លោកជំទាវ ព្រឹទ្ធមហាឧបាសិកាពុទ្ធសាសនូបត្ថមក៏ ហ៊ឹម ម៉ាលី ចែកជូនប្រជាពលរដ្ឋមានចំនួន ៤៦៩ គ្រួសារក្នុងឃុំសង្កែ..! =>> គណ:កម្មាធិការសាខាកាកបាទក្រហមខេត្តតាកែវបានចុះសួរសុខទុក្ខនិងនាំយកអំណោយមនុស្សធម៌របស់កាកបាទក្រហមកម្ពុជាមកចែកជូនគ្រួសារប្រជាពលរដ្ឋដែលរងគ្រោះដោយខ្យល់កន្ត្រាក់មានចំនួន១២៩ គ្រួសារ..!
0

សកម្មភាពដឹកជញ្ជូនឈើក្នុងខេត្តមណ្ឌលគិរីបានចាប់ផ្ដើម កក្រើកសារជាថ្មីម្ដងទៀតហើយ..!

សកម្មភាពដឹកជញ្ជូនឈើក្នុងខេត្តមណ្ឌលគិរីបានចាប់ផ្ដើម កក្រើកសារជាថ្មីម្ដងទៀតហើយ..!

ខេត្តមណ្ឌលគិរី ÷ ពិតជាដំបៅចាស់មិនអាចព្យាបាល បានមែនឬ.? ឬមួយចាំបាច់ត្រូវតែធ្វើការវះកាត់យកសាច់ស្អុយចេញទើបដំបៅនោះលែងសើរើ.!។

ប្រភពពីមន្ត្រីអង្គការក្រៅរដ្ឋាភិបាលឃ្លាំមើលបទល្មើសព្រៃឈើក្នុងខេត្តមណ្ឌលគិរីបានលើកឡើងថា លោក ហែម បូណារ៉ែល មេបញ្ជាការកងរាជវុធហត្ថខេត្តនិងលោក ឡោ សុខា ស្នងការដ្ឋាននគរបាលខេត្តព្រមទាំងលោក ថង សាវុន អភិបាលខេត្តមណ្ឌលគិរី គ្មានឆន្ទៈក្នុងការបង្ក្រាបបទល្មើសធនធានធម្មជាតិព្រៃឈើនោះទេ។

ដូច្នេះហើយទើបឈ្មួញរកស៊ីបទល្មើសព្រៃឈើឈ្មោះ ( រិទ្ធ )និងបក្សពួកនៅតែបន្តធ្វើសកម្មភាពកាប់បំផ្លាញព្រៃឈើរួចដឹកជញ្ជូនចេញពីចំណុចស្រែប៊ូមភូមិរ៉ាយោង ឃុំប៊ូស្រា ស្រុកពេជ្រាដា ដឹកតាមរថយន្តធន់ត្រាជាច្រើនគ្រឿងសម្រុកទៅស្រុកយួនតាម​ច្រកទ្វេភាគីព្រំដែនណាំលានិងច្រកដាក់ដាំយ៉ាងពេញបន្ទុកសមត្ថកិច្ចជំនាញពាក់ព័ន្ធក្នុងខេត្តមណ្ឌលគិរីរក្សាភាពស្ងៀមស្ងាត់ មិនបើកភ្នែកមើលឬយកត្រចៀកស្ដាប់ខណៈដែលសម្លេងរថយន្តដឹកជញ្ជូនឈើ ស្ទើរតែរង្គើព្រះធរណីយ៉ាងណាក៏ដោយ។

នេះជាប្រការកំពុងធ្វើឲ្យព្រៃឈើក្នុងតំបន់ព្រៃការពារព្រៃអភិរក្ស ព្រៃសហគមន៍ ក្នុងស្រុកកោះញែក ស្រុកពេជ្រាដា និងស្រុកកែវសីម៉ាចៀសមិនផុតពីសេចក្ដីវិនាសសាបសូន្យក្នុងពេលឆាប់ៗនោះទេ។

តាមប្រភពពីមន្ត្រីពាក់ព័ន្ធនៅច្រកទ្វេភាគីព្រំដែនណាំលា ច្រកដាក់ដាំខេត្តមណ្ឌលគិរីបានឲ្យដឹងថា

ក្នុងរយៈពេលជិត ១ សប្តាហ៍កន្លងទៅនេះឈ្មួញឈើជាច្រើនអ្នកបានសម្រុកដឹកជញ្ជូនឈើប្រណិតដែលជាឈើប្រភេទលេខ១ ចេញមកពីចំណុចស្រែប៊ូមក្នុងស្រុកកោះញែក ស្រុកពេជ្រាដាចេញទៅលក់នៅស្រុកយួនតាមច្រកណាំលាយ៉ាងគំហ៊ុក។

ចំពោះសកម្មភាពរបស់ក្រុមឈ្មួញដឹកជញ្ជូនឈើទៅស្រុកយួននេះគឺ គ្មានមន្ត្រីជំនាញឬសមត្ថកិច្ចពាក់ព័ន្ធណាធ្វើការទប់ស្កាត់ឬបង្ក្រាបនោះទេ។

( ពោលគឺ គេអង្គុយចាំតែរាប់ក្បាលឡានយកលុយហើយនិងធ្វើការសម្រួលដំណើរឲ្យក្រុមឈ្មួញដឹកជញ្ជូនឈើបានយ៉ាងរលូនទៀតផង )។

ចំណែកឯលោក យូ សុធា នាយប៉ុស្តិ៍នគរបាលអន្តោប្រវេសន៍ដែលឈរជើងនៅច្រកដាក់ដាំ ឯនោះវិញក៏កំពុងតែទទួលរងនូវការរិះគន់មិនសំចៃមាត់ពីសំណាក់អង្គការក្រៅរដ្ឋាភិបាលនិងមហាជនដែលស្រឡាញ់ធនធានធម្មជាតិព្រៃឈើ ថាបានបើកផ្លូវឲ្យក្រុមឈ្មួញដឹកជញ្ជូនឈើតាមច្រកគោលដៅរបស់ខ្លួនដើម្បីតែផលប្រយោជន៍ចង់ធ្វើមានធ្វើបាន មិនគិតអំពីតួនាទី និងភារកិច្ចដែលខ្លួនកំពុងតែអនុវត្តច្បាប់ហើយស៊ីប្រាក់ខែរដ្ឋនោះឡើយ។

ប្រជាសហគមន៍ក៏ដូចជាប្រជាពលរដ្ឋក្នុងភូមិរ៉ាយោងឃុំប៊ូស្រា ស្រុកពេជ្រាដា ស្រុកកោះញែក សូមអំពាវនាវដល់ឯកឧត្តមនាយឧត្តមសេនីយ៍ សៅ សុខា មេបញ្ជាការកងរាជវុធហត្ថលើផ្ទៃប្រទេស និងជាគណៈកម្មការថ្នាក់ជាតិដើម្បីបង្កាទប់ស្កាត់បទល្មើសព្រៃឈើធនធានធម្មជាតិនិងលោក ឌិត ទីណា រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ មេត្តាចាត់មន្ត្រីក្រោមឱវាទចុះត្រួតពិនិត្យជាបន្ទាន់ បើមិនដូច្នោះទេព្រៃឈើដែលនៅសេសសល់បន្តិចបន្តួច ពិតជានឹងត្រូវវិនាសហិនហោន ក្រោមស្នាដៃមេឈ្មួញដ៏ល្បីឈ្មោះ ( រិទ្ធ ) និងបក្ខពួកជាក់ជាមិនខានឡើយ ៕

 

Filed in: ព័ត៌មានថ្មីៗ

Recent Posts

Bookmark and Promote!

Leave a Reply

Submit Comment
ពន្លឺសន្តិភាព ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 088 47 77 854 ឬ តាម Whatsapp : 088 47 77 854 | Telegram : 088 47 77 854 ! សូមអរគុណ !

©២០១៨ រក្សាសិទ្ធ​ដោយ​សារព័ត៌មាន ពន្លឺសន្តិភាព | ទូរស័ព្ទ៖ 088 47 77 854 | អ៊ីម៉ែល៖ mailtobot168@gmail.com

សហការផ្តល់ព័ត៌មាន៖ 088 47 77 854 | អ៊ីម៉ែល ៖ mailtobot168@gmail.com