ចេញផ្សាយថ្ងៃទី៤ ខែមករា ឆ្នាំ២០២៤
=========================
ខេត្តតាកែវ ÷ លោក កង អាណាន់ អភិបាលក្រុងដូនកែវ ខេត្តតាកែវ
បានខិតខំប្រឹងប្រែងដឹកនាំកម្លាំងចុះរើសនឹងប្រម៉ូលសំរាមនៅតាមដងផ្លូវក្បែរមាត់ទន្លេរបឹងតាកែវ ក្រោយចប់ពិធីបុណ្យឆ្លងឆ្នាំរួច មានទាំងប្រើទូកបាឡាចុះស្រង់សំរាមនៅក្នុងទឹកទៀតផង មើលទៅលោកអភិបាលក្រុងហាក់បីដូចជាយកចិត្តទុកដាក់ខ្នះខ្នែងយ៉ាងសកម្មគួរឲ្យកោតសរសើរក្នុងនាមជាថ្នាក់ដឹកនាំ។
_ ប៉ុន្តែ ទន្ទឹមនិងសកម្មភាពដឹកនាំកម្លាំងចុះរើសនឹងប្រម៉ូលសំរាមរបស់លោក កង អាណាន់ អភិបាលក្រុងដូនកែវ ក៏ស្រាប់តែមានការបែកធ្លាយរឿងអាស្រូវល្បីពេញខេត្តរបស់លោកចេញពីមជ្ឈដ្ឋានប្រជាពលរដ្ឋអ្នកលក់ដូរក្នុងឱកាសបុណ្យឆ្លងឆ្នាំនាពេលកន្លងមកថា ÷
_ លោក កង អាណាន់ អភិបាលក្រុងដូនកែវបានឲ្យកូនចៅដើរវាស់ម៉ែត្រតាមអ្នកលក់ដូរគ្រប់កន្លែង មានកន្លែងខ្លះចាប់ពី ១ ម៉ែត្រ ២ ម៉ែត្រ ៣ ម៉ែត្រក៏មានដែរ ដែលអាជ្ញាធរ នៅក្រោមឱវាទលោកអភិបាលក្រុងបានតម្រូវឲ្យបង់លុយភ្លាមៗនៅហ្នឹងកន្លែង ក្នុង១ម៉ែត្រមានចំនួន ២០.០០០ ៛ ដែលចំណោមអ្នកលក់ដូរយ៉ាងច្រើនកុះករ បើសរុបជាទឹកប្រាក់វិញពិតជាមិនធម្មតាទេ ! តើលោកអភិបាលក្រុងយកប្រាក់ដ៏សន្ធឹកសន្ធាប់នេះទៅធ្វើអ្វី ? ឬក៏ជាប្រាក់ឈ្នួលសម្រាប់ជួលរូបលោកក្នុងការដឹកនាំកម្លាំងនិងទូកបាឡាចុះប្រម៉ូលសំរាមក្នុងពិធីឆ្លងឆ្នាំចប់ឬយ៉ាងណា ? ។
_ បើមើលតាមរូបភាពរបស់លោក កង អាណាន់ ដឹកនាំកម្លាំងចុះរើសសំរាមហាក់ដូចជាសកម្មខ្លាំងណាស់ ដើម្បីសម្អាតបរិស្ថានដែលមានតំណែងជាអភិបាលក្រុង
ប៉ុន្តែតាមពិតសកម្មភាពទាំងអស់នេះ វាគ្រាន់តែជា រនាំងឡប់ឡែដើម្បីបិទបាំងរឿងអាស្រូវរបស់ខ្លួននិងកូនចៅដែលបានដើរវាស់កន្លែងយកលុយ ពីអ្នកលក់ដូរនាពេលកន្លងមកទេដឹង ? ។
_ នៅវេលាម៉ោង២នឹង១១នាទី ថ្ងៃទី៤ខែមករាឆ្នាំ២០២៤
អង្គភាពសារព័ត៌មានយើងបានទំនាក់ទំនងទៅលោក កង អាណាន់ តាមរយៈលេខទូរសព្ទជាច្រើនដងដើម្បីសុំការបកស្រាយបំភ្លឺ ប៉ុន្តែទូរសព្ទចូលហើយគ្មានអ្នកទទួល ហេតុដូច្នេះ អង្គភាពសារព័ត៌មានយើងរងចាំទទួលការទំនាក់ទំនងពីលោក កង អាណាន់ គ្រប់ម៉ោងធ្វើការ។
( គេហទំព័រ ពន្លឺសន្តិភាព )
០៩៦ ៧៩ ៧៦ ០០៥ / ០៨៨ ៤៧ ៧៧ ៨៥៤
