ខេត្តក្រចេះ៖ ក្រុមសកម្មជនការពារព្រៃឈើបានឲ្យដឹងថា ទីតាំងឃ្លាំងស្តុកឈើលេខពីរដ៏ធំមិនមានច្បាប់មួយកន្លែង របស់លោក ស៊ាម គឹមទឹម ទាហានសឹករងខេត្តក្រចេះ គ្មានសមត្តកិច្ចនិងជំនាញចុះធ្វើការបង្ក្រាប។ឃ្លាំងស្តុកឈើឥតច្បាប់ដ៏ធំមួយកន្លែង ស្ថិតនៅចំណុចភូមិស្រែស្បូវ ឃុំក្បាលដំរី ស្រុកសំបូរ ខេត្តក្រចេះ ដែលត្រូវបានប្រជាពលរដ្ឋនៅទីនោះ បានឲ្យអង្គភាពកាសែតយើងដឹងថា ជាឃ្លាំងស្តុកឈើរបស់លោក ស៊ាម គឹមទឹម ជាទាហានសឹករងនៅក្នុងខេត្តក្រចេះ មិនដែលឃើញសមត្ថកិច្ចជំនាញណាចុះមកបង្រ្កាប អាចមាន លោក ណៃ តឹងឡឹង មេសឹករងខេត្ត 
នៅពីក្រោយ ចាំទទួលប្រយោជន៍ទើបបានជាដំណើរការបានរលូនបែបនេះ។ក្រុមសកម្មជនការពារព្រៃឈើបន្តថា នៅ ថ្ងៃអាទិត្យ ទី ៣០ វេលាម៉ោង ០៣ និង ២៩ នាទី រសៀល បានទៅថតផ្ដិតយករូបភាព នៅកន្លែងទីតាំងឃ្លាំងស្តុកឈើនោះ និងបានឃើញគំនរឈើស្តុកនៅក្នុងនោះ ជាច្រើនរាប់សិបម៉ែត្រគីប ដោយមានរថយន្ដសាំងយ៉ុង កែច្នៃចំនួនជាងដប់គ្រឿង កំពុងតែធ្វើសកម្មភាព រៀបឈើដាក់លើរថយន្ដ និងត្រៀមធ្វើការដឹកជញ្ជូនចេញនៅពេលយប់ ទៅតាមបណ្ដាខេត្តនានាដូចជា ខេត្តក្រចេះ ខេត្តត្បូងឃ្មុំ ខេត្តព្រៃវែង និងខេត្តនានា៘
អ្នកស្រុកសំបូរលើកឡើងថា រយៈពេលជាច្រើនឆ្នាំកន្លងមកនេះ លោក ស៊ាម គឹមទឹម ដែលជាទាហានសឹករងខេត្តក្រចេះរូបនេះ តែងតែយកតួនាទីនិងអំណាចយោធារបស់ខ្លួននិងមានមេវរៈ០១ ជាពិសេសមេសឹករងខេត្ត នៅពីក្រោយផងនោះ ទើបបានជាមានឃ្លាំងផ្ទុកឈើ យ៉ាងអនាធិបតេយ្យដោយគ្មានច្បាប់គ្មានទម្លាប់ បំផ្លាញព្រៃឈើដែលជាសម្បត្តិធម្មជាតិរបស់រដ្ឋ ដោយមានការឃុបឃិតពីមន្រ្តីជំនាញ យកទៅធ្វើមានធ្វើបានតែផលប្រយោជន៍ផ្ទាល់ខ្លួននិងបក្ខពួក ដោយផ្គើននិងបទបញ្ជាររដ្ឋាភិបាល ដែលដាក់ចេញឲ្យមន្រ្តីថ្នាក់ក្រោបទប់ស្កាត់និងបង្រ្កាបឲ្យខានងតែបាននោះ។ក្រុមប្រជាពលរដ្ឋទូទាំងខេត្ត ទទូចសូមឲ្យឯកឧត្តម នាយឧត្តមសេនីយ៍ សៅ សុខាអគ្គមេបញ្ជាការរងនិងជា មេបញ្ជាការកងរាជអាវុធហត្ថលើផ្ទៃប្រទេស ជាពិសេស សម្តេចក្រឡាហោម ស ខេងឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ មេត្តាចាត់វិធានការណ៍ ចុះបង្ក្រាបទីតាំងឃ្លាំងស្តុកឈើ ឥតច្បាប់ដ៏អនាធិបតេយ្យ របស់មេឈ្មួញជើងខ្លាំង ប្រចាំខេត្តក្រចេះរូបនេះផងបើនៅតែបណ្ដែតបណ្ដោយ តទៅទៀត ព្រៃឈើនៅក្នុងខេត្តក្រចេះ ច្បាស់ជារងនូវការរលាយហិនហោចអស់ ដោយសារមេឈ្មួញ ស៊ាម គឹមទឹម នេះជាមិនខានឡើយ។
ទាក់ទិនឃ្លាំងស្តុកឈើខុសច្បាប់លេខពីរដ៏ធំស្ថិតនៅចំណុច ភូមិស្រែស្បូវ ឃុំក្បាលដំរី ស្រុកសំបូរ ខេត្តក្រចេះ ដែលគេស្គាល់ថាជារបស់ លោក ស៊ាម គឹមទឹមខាងលើត្រូវបាន រិះគន់ថាបានឃុបឃិតជាមួយមេវរៈ០១ និងមានមេសឹករងខេត្តនៅពីក្រោយ។ អង្គភាពយើងមិនអាចសុំការបំភ្លឺពីលោក ស៊ាម គឹមទឹមបានទេថ្ងៃនេះ។អង្គភាពយើងនិងស្វែងរកការបំភ្លឺពាក់ព័ន្ធនិងរឿងខាងលើនេះមកផ្សាយបន្តនៅលេខក្រោយ៕
គេហទំពរ័ ( ពន្លឺសន្តិភាព ) 088 4777854
0
ទីតាំងឃ្លាំងស្តុកឈើលេខពីរដ៏ធំមិនមានច្បាប់មួយកន្លែង របស់លោក ស៊ាម គឹមទឹម ទាហានសឹករងខេត្តក្រចេះ
Filed in: ព័ត៌មានជាតិ, ព័ត៌មានថ្មីៗ
