ភ្នំពេញ ៖ ថ្ងៃទី១៦កក្កដា២០១៩នៅក្នុងកិច្ចប្រជុំផ្សព្វផ្សាយសេចក្តីណែនាំស្តីពីការគ្រប់គ្រងប្រើប្រាស់ក្របខ័ណ្ឌមន្រ្តីនគរបាលជាតិ ការគ្រប់គ្រងការប្រើប្រាស់អាវុធគ្រឿងផ្ទុះ និង មធ្យោបាយ ផ្សេងៗទៀត ។ ឯកឧត្ដមឧត្ដមសេនីយ៍ឯក ស ថេត អគ្គស្នងការរងនគរបាលជាតិ និង ជាស្នងការនគរបាលរាជធានីភ្នំពេញ បានដាក់គោលការណ៍យ៉ាងមឺុងម៉ាត់ថា ៖ «ហាមដាច់ខាតការឆ្លៀតយកកម្លាំងក្នុងអង្គភាពទៅបម្រើការងារនៅតាមក្រុមហ៊ុន រោងចក្រ សហគ្រាសឯកជន ឬជាលក្ខណៈបុគ្គលឯកជនដែលមិនមានការអនុញ្ញាតពីថ្នាក់ដឹកនាំ និង ហាមដាច់ខាតការយកមន្រ្តីនគរបាលជាតិទៅប្រចាំការការពារកន្លែងកំសាន្ត ជាពិសេសក្លឹបកំសាន្ត ខារ៉ាអូខេ និងកាស៊ីណូជាដើម។ បន្ថែមលើចំណុចនេះ ២ ថ្ងៃខាងមុខ ឯកឧត្តមនិងត្រូវស្រង់ឈ្មោះមន្រ្តីនគរបាលណាដែលទៅយាមផ្ទះ ឬទៅការពារឧកញ៉ា ដែលមិនមានច្បាប់អនុញ្ញាតិ ។ ក្រៅពីចំណុចខាងលើលោកបានចេញនូវគោលការណ៍ផ្សេងៗទៀតដូចខាងក្រោម ៖
ហាមដាច់ខាត ក្នុងការប្រើប្រាស់មធ្យោបាយរបស់អង្គភាព ដូចជាម៉ូតូបើកផ្លូវ ឬរថយន្តសារ៉ែនទៅប្រើប្រាស់ការពារហែរហមអមដំណើរ ក្រុមហ៊ុនឯកជន ឬបុគ្គលដែលមិនស្ថិតក្នុងសមត្តកិច្ចរបស់ខ្លួន ៕